今日澳日50週年,一坐低就遲到自對一杯,為今餐拉開序幕~~頂~
琴晚訓吾好今日中午又同人對清酒...到晚上又黎,唉~我死得~難得甘多老友一起,一於送君卜黃泉啦...
不過今晚印象深刻的除了平常只見電郵不面的工作拍檔之外,認識了一位當模特兒的從事漫畫女俠,對人飲酒果然有兩手,到下場見到朋友都起吾到身去碰杯...唉...下次啦,
不過飲還飲都比編輯大大對於我經常甩稿表示深切的問候同沉重的哀悼...ok我會努力la !!! 星期二 視覺文化版  大家等等我la

這裡有藝術館的策劃人@設計人 ar Kent

漫畫女俠Shiyomi 同我們最敬佩的文化人攝影師 錢大俠

澳大講師@ 文化人@ 新生代負責人@培正校友   展鵬兄

藝術館策劃人@行為藝術家@創作人 方洲兄

 

由於畫室的改變,清出了很多傢俬,如果曾經到過畫室有印象ge話, 大家應該記得有兩張宜家傢俬的紅色梳化,由於種種原因,我不能夠再保持這兩張梳化,第一張我將佢變成水泥,擺左係大三巴一個畫廊入面,第二張係有意無意之間我又為佢打造左一個風風光光的葬禮,大前晚我同阿勝將梳化抬落街,諗住丟了也好, 執左也好, 點知擺擺下又好唔捨得佢, 於是同佢影左一批相留念, 大家都知澳門成日整路, 咁啱就近就有施工地點, 見到地下有一個紅白色施工地標,左右又有紅白色雪糕杯, 紅白色的工地指示牌, 藍白色的指示附號, 黃色閃爍的工地燈, 我見到d工人將佢擺到好規矩, 跟住我就諗: 如果我擺張梳化係度咪變客廳? 咁樣做既可諷刺一下樓下時常整路, 又可以話我地住係工地入面, 於是我即刻將梳化擺係上面, 個組合簡直係天依無逢, 用初戀黎形容佢唔知係咪太誇張呢? 我係上面又跳, 又坐, 又訓, 都玩左幾耐, 係條街上面可以咁自在又玩得咁開心, 都唔難明白半夜三更出黎玩塗鴉的感受, 為左加大這個人為感覺, 就擺左個飛標, 順理成章成為眾人攻擊的目標, 結果轉頭攞相機, 標把就比人攞走左啦, 我同阿勝講: 張梳化放係度, 睇下可以放到幾時, 點知第二日見到仲係到, 街坊又係度睇, 差佬又係度睇, 仲有好多市民坐係度影相添, 中午收工經過又係度, 旁晚收工經過仲係度, 我開始有d擔心, 如果24小時候仲係度, 我就進行第二輪創作, 應該玩得更加傻, 但問個句, 擺係路邊都驚造成意外, 係呢個時候住係附近的阿y, 就話: 如果你想d野係街度比人拎走的話, 就要用鐵鍊鎖住佢架啦, 呢種咁得意的思維我相當有興趣, 於是阿y直接打印了張a4紙, 寫住:大師傑作, 請勿抬走, 三個鐘後張梳化冇左, 張梳化的葬禮一直延續了廿八小時.

我係呢一個偶發的活動入面,好有深刻的體會,我會繼續發展落去,因為張水泥梳化好快會番黎

我會玩好呢個job yeah !

特別鳴謝我老婆同我打字 !! hehehehe

    

大大前日  因搬家  慾掉沙發  二人同抬至樓下  忽發奇想  任沙發流落  何不即興行喪  送君仆黃泉  馬交路窄  政府大興施工  地爛不止  修罷慾掘  135動左  246動右  週日同碎  巧縫一工地  蓋有紅白金屬板及雪糕筒工地燈等地標  相互成趣  吾等為裝置感動  心感終為沙發覓得好靈堂  固馬上抬至金屬板安置  退而觀之  美輪美奐  翌日  見沙發仍立街上  暗喜  見市民衙差圍觀之  試坐及留影  歡呼不止  更彰顯藝術之偉大  午時路過  仍在  此時 一街坊女子y  路見沙發 發來短信道  :  慾棄物街上  由人拿走  予以鐡鏈綑綁  事半功倍    期間 y 以a4紙即席揮毫  :    大師作品請勿抬走  張貼之上  三更未到  沙發即失踪  有感於y之理論真諦  吾慾展其長 .

....

之前記得有朋友問及在拉卜楞寺的相片,是怎樣不打擾被攝者的情況下,補足最自然一面,當時我回應: TO ～*瑪瓜*～當地人徹底地當我無到 ~ ....
因為我買左一件當地人穿的衣服,再馬上整舊佢...基本上當地人對我的外形不發生太大的反應...所以我拍攝照片或者錄像,有幸地可以保留有他們自然的一面....
據我經驗了解他們對拍攝一向還是接受的,但是,我仍然有被西藏人用石頭警告及回族人呼喝的經驗...這也是相當要小心的,一個有善的微笑及招手永遠是我最常用的....

昨晚找到弟弟相機中的自己,真的發現之前在青海穿著一身專業的戶外衣服,外觀上與環境格格不入,記得當時根本無法拍攝人物相片,不是對方馬上走開就是你馬上要表示吾好意思,情況頗為困擾,不過在坐左成10小時車之後在拉卜楞寺終於想起當年美院老師講的一句話:要了解人地的生活,由自己開始,無可否認,這確實幫了一大忙! 不過,外出采風仍須多與當地人溝通,文字以外還有圖畫可以畫,了解更廣闊的生活態度,對自己身心都好有好處 !

希望可以回應到你的提問~