一個午後 , kelly 同我講有日門有住客用力搖我的古董門玲，她拉開木門看到樓上一中年男士”心平氣和”提問：樓下大門有三袋垃圾，放左幾日，係咪你地咖 ! kelly一聽就當然回應指出我們自己有處理垃圾的方式，便回答：“一定吾係，邊個就吾知，你吾好問我。”個男人就理直氣壯的話：“d垃圾上面有英文，重吾係你地！？”“我吾知!”之後那個男人就眼望望我地屋企，再經過那條擺滿自己工藝店貨物的梯間走回3樓。

唐樓是有趣的 ! 我家住高士德正街的舊唐樓，樓齡有40年左右出頭，一梯兩戶。可是頂樓空置，一樓分別由教會租用作為教友的宿舍，另一面就由樓下金舖及海味店租用為貨倉。地理上作為出入飲食都十分方便，而其他方面就一無事處，唐樓結構一般、面對垃圾站夜夜笙歌，真正感受到CSR垃圾車的搖同滾GA力量，加上垃圾工人的真性情演繹，唔 ~ 果種感覺同味道，就好似訓係垃圾桶入面，黑黑的… 我每晚2:30自然醒，古代的猿猴為了適應環境而生活，最後進化成直立人，而我為適應如此環境，亦都進化到2:30之後先訓，雖然係甘，在這裡生活了3年，喜歡舊樓喜歡有故事的東西，仍然是我的習慣，所以讓我繼續講這一個老唐樓的故事吧。聽到KELLY的轉述，起初我是沒有什麼反映的，你知LA~有時做開野，集中吾到精神咖嘛，但是，當我下樓準備出門時，望住果三袋垃圾我又真係吾抵得，吾抵得條友甘樣打擾我的生活，“d垃圾上面有英文，重吾係你地！“甘實白膠的浪實勾理由都可以脫口而出，我天真的曾經懷疑過佢由細到大都無長過下巴，唉…我又係一日食三餐你又係一日三餐，你GA判斷同動機真係令我 … 想提名你造非物質無文化闔家產(我最吾抵得就係LE一點)。我望住袋垃圾一陣，腦中不斷浮現很多片斷，後門鐡門長開比人放垃圾，一日終於比人偷銅水管，受害者係2A，佢過來投訴我2B：“我睇你係都係租客，你成日吾山下面門，以後都吾知會比人偷咩。”無計，當時畫室好多細路可能屋企有自動門、德成人同佢山門或者根本無門，所以無養順手山門習慣，或者習俗。所以我無須解釋，我知道樓下貨倉班木面人為左方便出入貨經常讓大門保持長開或者不能關的狀態，而我亦有留過2A果位大俠亦無時時山門的品質(自己都係LA)，當日佢火燒腦所以就算實數，佢甚至吾知我根本吾係租客，所以就以佢家族式的自封能力遺傳下(家庭中有特殊個案)，我都感到佢幾慘下，甘大壓力……

陽光在鐡門的空隙穿透入來，灑落在潔白的膠袋上，很乾淨！我覺得，直覺告訴我這基本不是家庭垃圾，已經放了三日，一點味道都無！同以前吾同。這裡所提到同以前吾同是因為本唐樓有一種次文化，就是有一兩戶人家堅持垃圾不放在自己家裡的原則，所以每晚就會把垃圾包好放在樓下門口，第二天早才把袋垃圾提至遙遠的6米外垃圾站丟掉，所以門口有家庭垃圾其實一點也不出奇，家庭垃圾最有特色的地方就是佢比辦公室垃圾要濕要臭！特別係當晚如果有人蒸魚就更鮮香入味，豉油係用來調味，吾係除臭。吊佢露味，一條37號鞋甘大有濃重珠江三角洲口味(火水味)的魚仔，用成斤老抽去蒸，連碟都變黃，可怕的是魚骨往往會把垃圾袋插穿，經過一夜35度的夏日常溫焢焙之下，第二早同M記廣告的早晨全餐一樣甘醒神。所以我肯定，這是辦公室的垃圾。(繼)